بانی پاکستان قائد اعظم محمد علی جناح کا 144 واں یوم ولادت آج منایا جارہا ہے

اسلام آباد/کراچی: آج ملک بھر میں بانی پاکستان قائد اعظم محمد علی جناح کا 144 واں یوم ولادت منایا جارہا ہے۔

اس موقعے پر صدر اور وزیراعظم نے اپنے پیغامات میں کہا ہے کہ پاکستان قائد اعظم کے تصور کے مطابق ترقی کی راہ پر گامزن ہے۔ قائد اعظم کا فرمان سچ ثابت ہوا کہ انتہا پسند ہندو مسلمان اقلیت کو عزت و احترام سے نہیں رہنے دیں گے۔ 25دسمبر کو اس عظیم رہنما کا جنم ہوا جس نے برصغیر کے مسلمانوں کو علیحدہ وطن دیا اور دنیا اسے قائد اعظمؒ محمد علی جناح کے نام سے جانتی ہے۔

قائد کو خراج عقیدت پیش کرنے کے لیے آج پاکستان میں عام تعطیل ہے اور مختلف تقریبات کا اہتمام کیا گیا ہے۔ مزار قائد پر گارڈز کی تبدیلی کی تقریب ہوئی۔ اہم حکومتی، سیاسی و سماجی شخصیات اور شہریوں کی ایک بڑی تعداد نے شہری مزار قائد پر حاضری دے کر اپنی محبت و عقیدت کا اظہار کیا۔

صدر مملکت کا پیغام

قائد اعظم محمد علی جناح کے یوم ولادت پر اپنے پیغام میں صدر مملکت عارف علوی کا کہنا ہے کہ قائد اعظم نے برصغیر کے مسلمانوں کی الگ شناخت اور سیاسی سمت کا تصور دیا۔ ہمیں متحد ہو کر قائد اعظم کی تعلیمات پر قائم رہنے کے عزم کا اعادہ کرنا ہے اور ترقی کے لیے اتحاد، ایمان اور نظم و ضبط کے اصولوں پر عمل پیرا ہونا ہے۔

 

وزیراعظم عمران خان کا پیغام

وزیر اعظم عمران خان نے اپنے پیغام میں کہا کہ قائد اعظم کے رہنما اصول اپنا کر ہم اپنے مقاصد حاصل کرسکتے ہیں۔ قائداعظم آخری سانس تک مثالی جمہوریت اورقانون کی حکمرانی کے لیے پُرعزم رہے۔  ایمان، اتحاد اور تنظیم کو اپنا کر نئے پاکستان کی منزل حاصل کی جاسکتی ہے۔

عمران خان نے کہا کہ قائد اعظم نے کشمیر کو پاکستان کی شہ رگ قرار دیا تھا۔ ہم کشمیری بھائیوں کے ساتھ کھڑے ہیں۔ آج کے دن ہمیں مقبوضہ کشمیر میں بھارتی ظلم کے شکار عوام کو نہیں بھولنا چاہیے۔ آج دنیا کے سامنے بھارتی آئین کے نام نہاد سیکولر چہرے کا نقاب اتر چکا ہے۔

متعلقہ خبریں

Leave a Comment