ٹک ٹاک اسٹار حریم شاہ نے اپنا گانا ’’نخرے باز‘‘ شیئر کر دیا

اسلام آباد: پاکستان کی متنازع ترین ٹک ٹاک اسٹارزحریم شاہ اور صندل خٹک اب ٹک ٹاک سے آگے بڑھ کر میوزک ویڈیو کی دنیا میں قدم رکھ چکی ہیں۔ گزشتہ روز حریم شاہ نے اپنے ٹوئٹر اکاؤنٹ پر ایک میوزک ویڈیو شیئر کی ہے اور کہا ہے کہ یہ میری پہلی میوزک ویڈیو ہے امید ہے آپ لوگوں کو پسند آئے گی اور آپ اسے انجوائے کریں گے۔
دراصل یہ ویڈیو ابھی کی نہیں ہے بلکہ یہ گزشتہ برس 6 اکتوبر 2019 کو اسلام آباد سے تعلق رکھنے والے پنجابی ریپرگلوکار ارباز آرے کے یوٹیوب چینل پر اپ لوڈ کی گئی تھی۔
یہ میوزک البم بھی ارباز آرے کا ہے جب کہ اس میں خاتون سنگرایش چغتائی نے ارباز کے ساتھ اپنی آواز کا جادو جگایا ہے۔ ویڈیو میں حریم شاہ اور صندل خٹک ماڈلنگ کرتی ہوئی نظر آرہی ہیں۔ یوٹیوب پراس ویڈیو کو اب تک ایک لاکھ 64 ہزار سے زائد بار دیکھا جاچکا ہے۔
گلوکار ارباز اس سے قبل بھی میوزک البم ریلیز کرچکے ہیں جن میں ماڈل متیرا ماڈلنگ کرتی ہوئی نظر آئی تھیں۔

 

آئی ڈی: 2020/01/16/3372

متعلقہ خبریں

Leave a Comment