کراچی میں 15 لاکھ کتوں کیلئے 97 کروڑ منظور


حکومت سندھ نے کراچی میں 15 لاکھ آوارہ کتوں کی نس بندی اور انہیں ٹیکے لگانے کیلئے 97 کروڑ روپے کی خطیر رقم مختص کردی ہے۔ دوسری جانب ان آوارہ کتوں کا ریکارڈ رکھنے اور ان کی پہچان کیلئے کوئی نظام متعارف نہیں کیا گیا جس سے خطرات جوں کے توں رہنے کا خدشہ ہے۔

تفصیلات کے مطابق سندھ حکومت نے کتوں کی نس بندی کیلئے محکمہ بلدیات کو 97 کروڑ روپے بجٹ دیا ہے جس کے تحت رواں سال 2 لاکھ 50 ہزار کتوں کی نس بندی کی جائے گی۔ دوسری جانب ان کتوں کی کی مانیٹرنگ اور ریکارڈ کیلئے کسی قسم کی منصوبہ بندی نہیں کی گئی۔

ذرائع کے مطابق جناح اسپتال کی ایگزیکٹو ڈائریکٹر سیمی جمالی نے بھی سندھ حکومت کے اس اقدام پر اعتراض اٹھاتے ہوئے کہا تھا کہ آخر تصدیق کیسے ہوگی کہ کتوں کی نس بندی ہوئی اور ٹیکے لگے ہیں۔

محکمہ بلدیات کا کہنا ہے کہ نس بندی اور ٹیکے لگانے کے بعد آوارہ کتوں کی مانیٹرنگ بہتر کرنے کی کوشش کریں گے۔

 

آئی ڈی: 2020/02/19/5299

Leave A Reply

Your email address will not be published.