پنجاب حکومت نے انصاف پروگرام کی خفیہ مانیٹرنگ کا فیصلہ کر لیا

لاہور: پنجاب حکومت نے بڑا فیصلہ کرتے ہوئے انصاف پروگرام میں امداد کی تقسیم کی خفیہ مانیٹرنگ کرنے کا فیصلہ کرلیا، پروگرام میں دی جانیوالی امداد کو مختلف ذرائع سے چیک کیا جائے گا۔

صحت انصاف امداد پروگرام کی مانیٹرنگ وزیراعلیٰ عثمان بزدار خود کریں گے۔ وزیراعلیٰ کی زیر صدارت اجلاس میں فیصلہ کیا گیا کہ کسی بھی جگہ پر سیاسی یا من پسند افراد کو امداد نہیں ملے گی، ضرورت مند افراد تک ہر صورت امداد پہنچنے کو یقینی بنائیں گے۔

سردار عثمان بزدار نے کہا پنجاب میں بنائی گئیں کمیٹیاں میرٹ پر افراد کا تعین کریں گی، ایسے افراد جو روزانہ مزدوری کرتے ہیں ان تک امداد پہنچانے کا ٹاسک دے دیا گیا، انصاف امداد پروگرام کو خود مانیٹر کروں گا، کسی جگہ کرپشن کا سوال ہی پیدا نہیں ہوگا، انصاف پروگرام میں کسی جگہ کرپشن سامنے آئی اسے سخت سے سخت سزا ملے گی۔

اپنا تبصرہ بھیجیں