کورونا وائرس: چین کے شہر شین زین میں تاریخی فیصلہ، جانوروں کا گوشت کھانے پر پابندی عائد

بیجنگ: کورونا وائرس کی وبا کے بعد چین میں کتے اور بلیوں کا گاشت کھانے پر پابندی عائد کردی گئی۔

غیر ملکی خبر رساں ایجنسی کے مطابق چین میں کورونا وائرس کی وبا کے بعد کتے اور بلیوں کا گوشت کھانے پر پابندی کا تاریخی قانون ایک کروڑ 30 لاکھ کی آبادی والے چین کے شہر شین زین میں پاس کیا گیا ہے جس پر یکم مئی سے عملدرآمد کیا جائے گا۔

نئے قانون کے مطابق کتے بلیوں کے علاوہ سانپ، مینڈک اور کچھوں کے گوشت پر بھی پابندی ہو گی۔ اس فیصلے کو تاریخی فیصلہ قرار دیا جا رہا ہے۔

واضح رہے کہ چین نے اس سے پہلے جنگلات کے کٹاؤ اور تجارت پر پابندی عائد کر رکھی ہے۔

یاد رہے کہ کورونا وائرس کی وبا چین کے شہر ووہان سے پھیلنا شروع ہوئی تھی اور جس کے بارے میں خیال کیا جاتا رہا کہ شاید یہ چمگاڈر یا کسی پالتو جانور کا گوشت کھانے سے پھیلی ہے۔

اپنا تبصرہ بھیجیں