انسٹاگرام استعمال کرنے والے صارفین کے لیے زبردست فیچر متعارف


سان فرانسسکو: سوشل میڈیا پر سماجی رابطے کی فوٹو شیئرنگ ویب سائٹ اور موبائل ایپلیکیشن انسٹاگرام نے صارفین کے لیے نیا فیچر متعارف کرا دیا ہے۔

نیوزرپورٹ کے مطابق کمپنی کی جانب سے جاری اعلامیے میں بتایا گیا ہے کہ نئے فیچر کے تحت صارفین انٹرنیٹ براؤزر استعمال کرتے ہوئے بھی اپنے انسٹاگرام کے دوستوں کو میسج بھیج سکیں گے۔کمپنی کی جانب سے کہا گیا ہے کہ دنیا بھر کے صارفین ویب ڈیسک ورژن میں ڈائریکٹ میسج فیچر کا پیغام استعمال کرسکتے ہیں۔انسٹاگرام نے فیچر استعمال کرنے کا طریقہ کار بتانے کے لیے ویڈیو بھی شیئر کی۔

ویڈیو میں بتایا گیا ہے کہ انٹرنیٹ براؤزر پر انسٹاگرام کھولیں اور اپنی آئی ڈی لاگ ان کریں۔ اُس کے بعد دائیں جانب ہوم آئی کون کے برابر میں تیر کا نشان بنا ہوا نظر آئے گا، جب اس پر صارف کلک کرے گا تو ڈائریکٹ میسج بھیجنے والی ونڈو کھل جائے گی۔ایپ کے بائیں طرف آئی ڈیز اور اُن کے بھیجے ہوئے پیغامات نظر آرہے ہوں گے۔ صارف جس دوست کو میسج بھیجنا چاہیے اُس پر کلک کر کے اپنا پیغام ارسال کردے۔

ڈائریکٹ میسج پر صارفین گروپ کی صورت میں چیٹ کرسکتے ہیں اور اس فیچر کو استعمال کرتے ہوئے وہ اپنے دوستوں کو تصاویر بھی بھیج سکتے ہیں۔انسٹاگرام نے اس فیچر پر رواں سال کے آغاز پر کام شروع کیا تھا، بعد ازاں اسے ٹیسٹنگ کے لیے متعارف بھی کرایا گیا جس میں چند نقائص سامنے آئے تھے


Leave A Reply

Your email address will not be published.