شوگر انکوائری کمیشن کو مزید 4 روز کی مہلت مل گئی

Sugar-Pakistan

اسلام آباد: وفاقی حکومت کی جانب سے شوگرانکوائری کمیشن کو رپورٹ مکمل کرنے کے لیے مزید 4 روز کی مہلت مل گئی۔

سرکاری ذرائع کا کہنا ہے کہ شوگرانکوائری کمیشن کی رپورٹ تیار ہے تاہم اسے مرتب کرنے کے لیے 4 دن دیے گئے ہیں۔ ذرائع کے مطابق شوگر ملز کے فرانزک آڈٹ کی تکمیل کے بعد رپورٹ مرتب کرنے کا کام جاری ہے۔

یاد رہے کہ وفاقی تحقیقاتی ایجنسی (ایف آئی اے) کی تحقیقاتی رپورٹ میں انکشاف کیا گیا تھا کہ ملک میں چینی بحران کاسب سے زیادہ فائدہ حکمران جماعت کے اہم رہنما جہانگیر ترین نے اٹھایا، دوسرے نمبر پر وفاقی وزیر خسرو بختیار کے بھائی اور تیسرے نمبر پر حکمران اتحاد میں شامل مونس الٰہی کی کمپنیوں نے فائدہ اٹھایا۔

اس حوالے سے وزیراعظم عمران خان کا کہنا تھا کہ وہ اعلیٰ سطح کے کمیشن کی جانب سے مفصل فرانزک آڈٹ کا انتظار کررہے ہیں جو 25 اپریل تک کرلیا جائے گا تاہم بعد ازاں کمیشن کو رپورٹ پیش کرنے کے لیے مزید 3 ہفتوں کی مہلت دی گئی تھی جس کے بعد اسے 16 مئی کو پیش کرنا تھی۔

متعلقہ خبریں

Leave a Comment