اسکول کھولنے کے حوالے سے حکومت کا بڑا فیصلہ

این سی او سی نے دوسرے مرحلے میں اسکول کھولنے کی اجازت دے دی کل سے چھٹی سے آٹھویں کلاسوں کا آغاز ہوگا، اجلاس میں بڑا فیصلہ ہو گیا۔

وفاقی وزیر اسد عمر کی صدارت میں این سی او سی کا اجلاس ہوا، جس میں فیصلہ کیا گیا کہ ملک بھر میں دوسرے مرحلے میں کل سے اسکول کھول دیے جائیں گے، جس کے بعد کل سے چھٹی سے آٹھویں کلاسوں کا آغاز ہوگا ۔

 اجلاس میں وفاقی وزیر تعلیم شفقت محمود سمیت دیگر صوبائی وزرا تعلیم نے بھی شرکت کی جبکہ اس موقع پر وزارت صحت کے حکام بھی موجود تھے ۔وفاقی وزیر برائے منصوبہ بندی، ترقی اور خصوصی اقدامات اسد عمر کی زیرصدارت این سی او سی کے اجلاس میں تعلیمی اداروں کے کھولنے اور وبائی مرض کے اعداد و شمار کے ڈیٹا پر تبادلہ خیال کیا گیا۔ فورم نے متعدد مراحل میں تعلیمی کھولنے کا عزم کیا، جس کے تحت پہلے مرحلے میں 15 ستمبر سے نویں جماعت سے یونیورسٹیوں تک کے سکول کھولے گے، جبکہ دوسرے مرحلے میں مڈل درجے اور اس کے مساوی کی کلاس 23 ستمبر سے کھولنے کا فیصلہ کیا گیا، تیسرے مرحلے میں پرائمری سکول 30 ستمبر سے کھولے جائیں گے۔

واضح رہے کہ اس سے قبل نیشنل کمانڈ اینڈ آپریشن سنٹر نے ملک بھر میں کورونا وبا کی وجہ سے بند تعلیمی ادارے مرحلہ وار کھولنے کا فیصلہ کیا تھا۔ سکولوں کو کھولنے سے متعلق ایس او پیز پہلے ہی سکولوں کے ساتھ شیئر کیے گئی تھیں جبکہ اس پر عملدرآمد کے لئے تعلیمی اداروں کی انتظامیہ ذمہ دار ہو گی۔

متعلقہ خبریں

Leave a Comment